上次阿史介紹咗廣州仲有少少剩返落嚟嘅古城牆，近日就馬上收到去完內地玩咗轉嘅史友留言，話廣東有個地方有個好完整古城牆，嘩！邊度咁巴閉？
答案就係肇慶喇！呢個肇慶古城牆位於肇慶市區舊城區，差唔多成三公里長，始建於北宋皇祐年間，最初只係土城牆，到咗政和年間築為磚城，開四門，奠定後世城牆基礎。响明清兩代，城牆經過多次修葺，城牆同城門位置未改，城牆保留咗同北宋時期差唔多嘅格局。雖然到咗民國時期城牆一度因發展而陷入被拆危機，但就因為一個原因而令城牆不至於被全毁，原因就係城牆有阻擋洪水功能。從上世紀八十年代開始，當地政府就逐步修復古城牆。
由於肇慶古城牆保存完好，因此有專家稱為佢為「廣東第一，全國罕見」。講到咁勁！下次去肇慶都要去望下。
原圖嚟自網絡