圓明園獸首銅像可能唔少史友都曾經見過部分，但如果講到一次過見曬四個，呢個機會可以話相當難得，而近日喺甘肅蘭州就真係舉行緊一個咁樣嘅「國寶展」。
近日「傳奇國寶 禮獻金城——圓明園四大獸首國寶展」就喺甘肅蘭州開展，呢個展覽就係以展出四件國家一級文物，清代圓明園國寶海晏堂十二生肖之牛首、虎首、猴首、豬首四件國寶為主，而呢四件國寶都係首次喺甘肅蘭州展出。要知道十二獸首原本就係圓明園西洋樓海晏堂嘅水力鐘構件，既有中國審美趣味，又融合西方造型藝術特點，係成個海晏堂建築群精華之處。但可惜喺1860年英法聯軍洗劫圓明園後，十二獸首銅像散落四海。
今次展出嘅猴首、牛首、虎首都係中國保利集團喺2000年以3000萬港幣喺香港拍賣返嚟，而豬首就係由澳門著名實業家何鴻燊於2002年出資收購並捐贈給保利藝術博物館，並且永久收藏於保利藝術博物館。所以能夠一次過睇曬四個獸首，真係可以話係機會難得！
原圖嚟自網絡