蛇口呢個地方，其實係深圳一帶最早開發嘅地區，甚至深圳特區成立之前蛇口已經被劃定為對外開放嘅貿易區同工業區，亦因為咁，當時就有一間好矚目嘅酒店响呢個地方落成，就係蛇口南海酒店。
蛇口南海酒店响1985年正式對外營業，成為當時深圳其中一間最高檔次嘅酒店，响蛇口呢個地方有著好重要嘅地位。點解咁講呢？因為當時廣東省政府規劃開發南海油田，同埋深圳响八十年代初成為對外開放嘅試點地區。多咗國際大型企業同商人嚟到呢個地方，但又蛇口又有現代化設施去接待，有一陣子搞到300幾位石油勘探、採掘專家响蛇口無啖好食，又住得唔到，辦公、舉行會議同招商嘅場所都無，於是蛇口南海酒店就响咁嘅情況下出現。响1990年，呢間酒店獲批為內地首批五星級酒店之一，佢獨特外型唔單止成為蛇口地區一個標誌性建築物，仲係上一代蛇口同深圳居民一個集體回憶。
評論：
共0 條評論