以往就同史友們介紹過唔少我國嘅國家級文物,呢啲文物好多都係具有相當悠久嘅歷史。之不過,近日我國就將王偉飛行頭盔認定為一級革命文物,而呢個頭盔背後其實都有一段大家應該知道嘅歷史。
據山東省文物鑒定中心下發《中國人民解放軍海軍博物館革命文物定級報告》當中,就將體現「海空衛士」王偉英勇頑強守衛海疆不屈意志嘅飛行頭盔定為一級革命文物,以此向英雄致敬。
文物無言,歷史有聲,相信提到王偉呢個名唔少史友可能都已經知道呢段歷史。喺2001年4月1日,美國海軍EP-3電子情報偵察機闖入中國海南島東南70海裡(110公里)中國上空,「海空衛士」王偉就駕駛殲-8II戰鬥機前往,並且途中同美國海軍EP-3電子情報偵察機發生碰撞,殲-8II戰鬥機其後墜毀,王偉跳傘下落不明,最終經過海軍、地方有關單位、人民群眾連續奮戰14個晝夜,王偉都係不幸地被確認犧牲,年僅33歲。所以,呢次佢嘅飛行頭盔定為一級革命文物,正正就係對佢英勇頑強守衛海疆意志嘅肯定。
原圖嚟自網絡