最近特首李家超去咗廣州市考察，期間同廣州市長去咗畔溪酒家飲早茶，市長就特別安排咗市橋白賣俾李家超，特首見到話自己係番禺人，所以見到市橋白賣特別親切。
市橋白賣係番禺傳統點心，相傳始創於清末民初，出自一位市橋謝氏廚師之手。做法係將鯪魚打到起膠加入臘腸粒、肥豬肉、陳皮等材料再冷藏，然後釀入白色的皮之中，製法同燒賣相似，但因為以鯪魚肉為主，所以就叫白賣。一直以來，市橋白賣都係番禺一帶嘅名菜，仲話識點呢道點心先係本地人。唔講唔知，番禺三道名菜光皮乳豬、蓮藕三寶同市橋白賣，已獲廣州市質監局批准發布「標準製造準則」，即係對製法，食材成份都有標準化規定，亦係廣州粵菜首個標準化案例。
原圖嚟自網絡