响改革開放初期，廣東一直都係全國發展嘅先驅省份，唔少先進新事物都响廣東首先出現。好似火車咁，廣東就曾經有一款响當時嚟講全國數一數二嘅高速客運火車，响好一段時間仲實現咗廣州深圳一小時車程嘅紀錄。
呢架咁勁嘅火車就係「藍箭」。「藍箭」列車係由株洲電力機車廠、長春客車廠同株洲電力機車研究所聯合研製。「藍箭」最高運營速度為每小時200公里，但通常都係行160公里，不過响當時嚟講，呢個速度都相當快，從廣州東站至深圳站間直達運行時間為60分鐘，成為穗深城際交通一個新指標。但後嚟鐵路部就開始發展高鐵網絡，「藍箭」系列响呢個新規劃當中就無一個位置，加上「藍箭」本身都有唔少問題，包括空調系統失靈（阿史就親身試過一次，又熱又焗），所以响最後「藍箭」慢慢北移，先轉至粵北再到四川重慶同貴州，最後响2012年退役。
雖然「藍箭」生命唔算太長，但响中國高速鐵路運輸佔有一個重要地位。
原圖嚟自網絡