相信唔少史友都知道蒙古軍進攻非洲、甚至部分歐洲地區都被呢支鐵騎攻陷，但到底點解一個以鐵騎聞名嘅軍隊又會選擇遠征日本兩次呢？阿史今次就同大家講一講啦！
呢兩次遠征日本嘅戰爭就係喺蒙古元朝皇帝忽必烈與屬國高麗喺1274年及1281年兩次派軍侵略日本而引發嘅戰爭，亦係史稱「元日戰爭」。喺1259年，高麗原本抵抗蒙古勢力嘅武人政權倒臺，而隨住忽必烈上臺後，高麗亦都成為蒙古嘅屬國以及對外征討嘅協力者。高麗向蒙古帝國稱臣結盟，而當忽必烈喺1271年喺中原地區定都後，本來就想通過高麗派出使者到日本「通好」，但由於幕府認為蒙古人有凶心，於是就抗拒外交，甚至忽必烈或通過高麗，或自遣使者一系列信件以戰爭相威脅，幕府都係選擇唔投降。
於是，原來喺1268年就想發動戰爭嘅忽必烈政權就經過多年準備後，原先委託高麗造大小艦九百艘嘅命令亦都完成，第一次嘅「元日戰爭」首次由朝鮮派出九百艘船遠征軍征討日本，但結果竟然被日本武士部隊成功抵禦。
呢場戰敗令到忽必烈顏面掃地，為咗令到日本好似高麗咁樣屈服，忽必烈就決定發動第二次戰爭，甚至安排元軍兵分兩路，並且由蒙古、女真、高麗等各族士兵組成四萬人聯軍，軍力足足係第一次戰爭嘅五倍。之不過，距離第一次「元日戰爭」已經過去七年，日本方面唔單止準備好石牆防護，各地戰線亦都有高達十二萬人聯合防衛，再加上蒙古、女真、高麗等各族聯軍面對唔少問題，海浪亦都令船隊受到重創，結果第二次「元日戰爭」仍然以元軍戰敗告終。
原圖嚟自網絡