最近唔少人都提倡港人北上置業同生活，仲話交通咁方便一小時生活圈絕對無問題。香港係大灣區城市之一，又同珠三角城市語言、文化、生活習慣一樣，好多地方樓價又平香港唔少，其實都唔係諗唔過。
响八十年代改革開放初期，番禺當地政府就向港商招手，希望佢哋能投資當地帶起經濟發展。港商彭磷基就睇中番禺同香港距離唔算太遠、交通又方便呢啲因素，於是就發展番禺首個房地產項目，就係祈福新邨。祈福新邨以「港人度假村」為賣點，以「一站式」生活模範社區管理，價錢仲要係香港樓價十分之一。所以當時一開售已就獲唔少香港業主垂青，可以話係開創港人北上置業先河。後嚟唔少發展商見到咁就有樣學樣，一時北上買樓成為熱潮，電視仲出現好多內地賣樓廣告。當時唔少香港人都有响鄉下買樓同返去度假嘅想法，亦有啲香港人因响內地生活同工作關係，所以好多樓盤都成為咗「香港人社區」。
原圖嚟自網絡