講到廣東飲茶文化中嘅皇牌點心，叉燒包一定係其中之一。相信史友們都會覺得叉燒包呢種點心夠晒廣東同南方，但其實今時今日嘅叉燒包，係受北方飲食文化影響咗。
叉燒包係點樣發明就無從稽考，據廣州一位做點心嘅老行尊講，叉燒包最初肯定係出自廣東師傅之手，大概有過百年歷史。不過最初嘅
叉燒包並唔係好似今天個啲叉燒包係「爆口」，摺法係呈現「禾谷嘴」，外形就好似雀籠咁。直至上世紀30年代，叉燒包製作上就引入北方製包元素，叉燒包嘅麵皮用北方常用嘅發酵麵團以及加入咗泡打粉，形成咗今日「爆口」外形，同埋整包時捏成雀籠形，因為發酵適當，蒸熟後啲包頂部會自然開裂，效果就有一個帶有叉燒肉餡嘅開花饅頭。簡單而言，今時今日食到嘅叉燒包，原來係中國南北飲食文化嘅結合成品，真係不得了！
原圖嚟自網絡