繼續同史友們介紹我國最新嘅考古發現，「九九乘法表 」相信都係唔少史友們兒時嘅惡夢，但勢估唔到呢項「九九乘法表 」竟然喺成千年前嘅東漢墓陶磚上出現，阿史今次就同大家講一講啦！
早喺1981年，就有考古團隊喺深圳南頭紅花園東漢墓出土一批陶磚，單從表面睇其實睇唔出有咩特別，只係見到有約三分之二布滿菱格紋。但原來喺磚面另外三分之一嘅地方，係刻上咗漢隸版九九乘法。陶磚上只刻寫著40個數字，並冇見到落款和署名，考古學家就估計係工匠喺磚坯未乾時順手刻上，所以字跡睇嚟都係好笨拙。
九九乘法口訣早在戰國時期就已經出現，雖然呢四十個數字係反映1800年前地處偏遠嶺南人就已經掌握九九乘法口訣，但實際上陶磚上數字係有出錯，例如「七」顛倒過來，「三九、二九、四九」順序錯亂，認真有趣。
原圖嚟自網絡