上次阿史介紹廣東第一間卡拉OK時，就提及過深圳竹園賓館呢個地方，今次阿史就想介紹多啲呢間賓館。唔講大家未必知，响深圳成為經濟特區初期，竹園賓館响當地可以話係非常破格，仲打破咗好多固有「規矩」，咁又打破咗啲乜嘢呢？
竹園賓館响1981年開業，位於羅湖區，係深圳市第一家中外合資賓館，面向嘅主要係港澳同胞以及外國遊客，賓館內設有西餐廳、歌廳等，仲有中菜餐都相當出名，响改革開放初期絕對係高檔次。裡面除咗有唔少現代化設施之外，呢間賓館連聘用制度都好趕得上潮流，就係賓館員工全部採用聘用制，唔再係鐵飯碗，响深圳算係開創咗職務工資加浮動人工嘅工資制度先河。
原圖嚟自網絡