如果要形容他人人格低劣,我哋好多時候都會用到「下流」一詞,但呢個詞喺古代嚟講其實係相當講究,仲會分成「上、下九流」嘅講法,阿史今次就同大家講一講啦!
所謂嘅「下九流」其實係按人嘅職業進行區分,既然有「下九流」,自然亦都會有「上九流」嘅出現,早喺我國商周時期就已經開始對人劃分出上下九流,甚至隨住職業嘅增加,仲會有「中九流」嘅出現。「上九流」基本上都係泛指帝王、聖賢、隱士、童仙、文人、武士、農、工、商等階級,至於「中九流」大多數情況就係指舉子、醫生、相命、丹青、書生、琴棋、僧、道、尼;而「下九流」嘅情況就比較極端,例如師爺、衙差、升秤、媒婆、走卒、時妖(拐騙及巫婆)、盜、竊、娼等等嘅職業都會被歸納入「下九流」當中,部分朝代就連「木匠」、「算卦」都屬於「下九流」。
亦都係由於「下九流」嘅人口都係代表住市井文化,並不被主流士大夫階層所推崇,所以「下九流」呢個詞亦都帶住濃厚嘅貶義色彩。
原圖嚟自網絡