喺古代戰爭當中，作為國境最後防線嘅城門只要一被攻破，就等同被滅國。咁為咗防止呢啲事發生，古人到底又有冇喺建築上作出特別嘅設計呢？答案當然係有啦，呢種設計名為「甕城」！
甕城到底起源於幾時至今已經不可考，呢種設計依附住城門、城牆，由於偏開一門嘅情況下好似甕狀，所以就有甕城嘅叫法。咁具體嚟講呢種建築又可以點樣喺戰爭中實現甕中捉敵？
甕城表面睇落好似一個軍事防禦性建築，最表面作用就係屏衛城門，喺敵軍進攻之時，由於甕城大多呈圓弧形，甕城城門同真正城門唔係喺同一個直線之上，所以攻城方如果要先攻破甕城，所有武器都需要先轉移方向，但甕城箭樓就可以持續攻勢，絕對起到分散敵方軍力嘅作用。
而假如敵軍真係可以攻破城門，進入甕城內部，實際上就已經陷入甕中捉敵嘅局面。只要守軍可以將甕城兩邊城門關閉，繼而城牆士兵可以對進入城內嘅敵軍四面環射，敵軍喺呢個時侯近乎冇還手之力。
原圖嚟自網絡