繼續同史友們介紹我國最新考古發現,近日喺台灣省花蓮崇德考古遺址就有發掘工作進行,過程中就發現到唔少珍稀嘅文物例如玻璃環殘件、瑪瑙珠,而當中最為重要嘅就係一件900年前嘅宋朝銅錢「熙寧元寶」。
花蓮崇德考古遺址位於秀林鄉崇德村立霧溪河口左岸河階台地,據推測呢個遺址距今大概1,300年。本來呢個遺址係近乎唔會被發現,但就喺上月有村民打算搭建房舍,先至引起當局進行搶救發掘。
唔掘由是何,一掘隨即就搵到唔少極有代表性嘅文物,例如就有當時台灣仲未有技術生產到嘅玻璃、瑪瑙類等物品,再加上一件900年前嘅宋朝銅錢「熙寧元寶」,考古專家就推斷呢個地區喺宋朝時期對外貿易頻繁。結合其他出土文物,呢個遺址可能喺史前時代各階段貿易活動都比預期脈絡更為複雜,真係一次意想不到嘅發現。
原圖嚟自網絡