前排阿史就同史友們介紹咗戰國四大強軍嘅趙邊騎、魏武卒、秦銳士，今次就終於嚟到最後一種戰國「特種部隊」，就係「齊技擊」喇！
如果單憑個人嘅能力而言，喺戰國四大強軍之中，「齊技擊」嘅每位士兵幾乎都係武林高手。「齊技擊」簡單而返就係經過考選和訓練嘅步兵，因為駐防於五都，又稱「五都之兵」。
要知道戰國時期齊國嘅土地比起春秋時期幾乎向東擴張一倍，喺呢本土地上嘅東夷人民風彪悍、好戰尚武。當齊莊公設立技擊募兵制後，就通過一系列篩選以及軍事訓練，例如有徒手搏鬥、角抵、騎術、劍術、射術等等，令到入選嘅人都必定係高手。所以，早期嘅「齊技擊」可以話係軍隊當中嘅「特種部隊」，喺通過上陣殺敵獲得爵位嘅刺激制度下，呢支部隊威力十足。
而去到齊桓公時期，國相管仲將兵制進行優化，技擊之士可以憑住戰功獎勵豐厚酬勞，令到齊桓公迅速稱霸諸侯。而喺齊湣王時期，佢更加憑住呢支強大軍隊勒索楚國國土、聯合韓、魏攻破秦函谷關、攻陷燕都、三伐宋國，真係相當之誇張！
原圖嚟自網