「接吻」，今時今日已經成為情人之間互相表達愛意嘅一種行為，但大家又有冇諗過到底呢種行為有幾耐歷史呢？近日就有一項考古發現將「接吻」嘅歷史推前至少一千年。
據學術期刊《科學》上顯示，一項由丹麥及英國學者牽頭嘅研究就指出，人類「接吻」嘅呢個行為應該最早就係喺古希臘時期美索不達米亞地區出現，大概嘅位置就係喺今日伊拉克及敘利亞等中東一帶。研究團隊喺研究文物泥板之時，有發現以以美索不達米亞文字寫上關於「接吻」的描述，並且呢段文字仲有指出「接吻」早喺公元前2500年開始。
更有趣嘅係，雖然聽落係好浪漫，但實際呢種行為主要係喺階級分明嘅社會先會出現。當時「接吻」就已經係被視為情人之間浪漫親密行為，已婚夫婦都會通過接吻求愛。有咗呢次研究結果，「接吻」嘅歷史就由原本認為發生於青銅時代嘅印度，足足推前咗最少一千年！
原圖嚟自網絡