相信大家喺世界各地旅行嘅時候，經常都會喺景區附近遇到有當地人兜售一啲另類嘅「手信」，雖然呢啲手信外貌雖然睇落好似真文物，但大家都會認為呢啲「手信」多數都係仿製品。之不過，凡事總有例外，近日雲南就有一位男子意外收獲到一件真實嘅文物！
近日雲南就有一位王姓嘅男子喺路過一條村落嘅時候，遇到一位年約六十歲嘅老人向佢兜售一啲「珍貴」嘅文物，就係一把青銅古劍以及一啲青銅殘片。喺老人家落力嘅推銷之下，呢位男子就以5,600蚊人民幣買下呢啲「文物」。
可能喺旁人嘅角度，呢位男子已經畀人欺騙咗，但王姓男子就深佢所買嘅係真實嘅文物。但當佢喺網上睇到有人因為倒賣國家文物而被判刑之時，佢就好害怕，於是主動聯絡文物部門查證。結果一查之下，就發現佢所買嘅文物真係戰國至西漢時期嘅山字格銅劍（殘）以及青銅手鐲殘片29件，距今至少有2000年歷史並且仲係古哀牢國嘅出土文物。
王姓男子最終就將文物捐贈畀保山博物館，自己仲因為呢個義舉而被博物館方面表彰，真係估佢唔到！
原圖嚟自網絡