每當講到改革開放,香港人都會記得早响八十年代已經有一批香港商人北上設廠,部分亦因為咁愈做愈大。講到港人上北上開廠,就一定要講講惠州喇!

點解要講惠州呢?原來惠州係港人北上開廠最早嘅地區,响1978年,香港開元公司已經同當地企業合作,開創咗惠州來料加工裝配貿易之先河。到咗1981年,惠州引進嘅第一家中外合資經營企業、第一家中外合作經營企業,都係同香港企業合作。响當時惠州嘅工廠,主要都係從事「三來一補」,就係將原本响香港嘅生產線北上到當地,實現地區產業轉移。今時今日好多著名牌子企業,好似真維斯、TCL等都係八十年代响惠州打响名堂。

原圖嚟自網絡