繼續同史友們探討一啲有趣嘅歷史謎題，無論喺古今中外嘅戰爭，參戰嘅人數往往都係決定戰事結果嘅關鍵因素之一。喺現代社會七十幾億嘅人口當中，其實動輒要出動幾十萬人去打仗都唔係容易嘅事，咁喺科技同運輸技術都落後嘅古代，又係咪真係場場戰役兵力都可以達到幾十萬呢？阿史今次就同大家講一講啦！
無論係白起坑殺趙軍40萬俘虜嘅長平之戰、近百萬人口參戰嘅三國赤壁之時定還是隋煬帝楊廣率大軍113萬征高句麗嘅戰役當中，喺古代人口唔算多嘅情況之下，呢啲戰役又係咪真係可以出動到咁多士兵呢？要知道一支軍隊並唔係單純由士兵組成，背後仲要有後勤、補給以及運輸等等嘅環節，如果幾十萬人口嘅軍隊集體移動，其實係相當於古代一個移動緊嘅大型城市，例如好似齊國臨淄、燕下都等等。
而且，即使運輸條件許可，但咁龐大嘅人口係需要極多嘅糧食先能夠養活，所以單係呢一點「百萬大軍」幾乎冇可能出現，難怪《三國志》曾經直指「破賊文書，舊以一為十」。
雖然古代嘅軍隊冇明確嘅編字，數字有偏差都係正常，但喺冷兵器嘅時代，大家都知軍隊數量就係取決勝利嘅重要因素，所以大家都會傾向唱噓自己軍隊嘅數量，分分鐘三十萬嘅兵力就已經堪稱係「百萬大軍」喇！
原圖嚟自網絡