中環係香港一個核心區域,响呢個地方有唔少高級酒店同食肆。响以前嘅中環,就有好多好特別嘅餐廳,其中一間仲要係旋轉餐廳。
阿史講緊嘅,就係昔日位於富麗華酒店頂層嘅旋轉餐廳La Ronda。富麗華酒店於1973年正式開幕,係昔日中環一間顯赫一時嘅五星級酒店。而酒店頂層設有旋轉餐廳,响當時香港雖然唔係首創,但因為酒店坐落响中環核心地段,餐廳又有維多利亞港海景同中環市景,居高臨下之感的確令客人感受良好。據資料顯示,旋轉餐廳嘅金屬底盤由日本空運抵港,之後安裝於酒店頂層,工程難度响當時施工技術而言係相當高,令呢間旋轉餐廳更富傳奇色彩。
不過,响2001年富麗華酒店結業,隨後酒店被拆卸,酒店同旋轉餐廳成為咗香港人嘅集體回憶。