以往就同史友們介紹過唔少同木乃伊相關嘅發現，但到底木乃伊又係點樣製作出嚟？製作嘅地點又係點樣呢？近日埃及呢項重大嘅考古發現可能就畀到答案大家！
近日埃及最高文物委員會就公布咗埃及考古團隊喺開羅以南撒卡拉墓地發現嘅「木乃伊工作坊」遺跡與兩座墳墓。據了解，今次發現嘅「木乃伊工作坊」嘅歷史可以追溯至「第三十王朝」（西元前380年至西元前343年）及「托勒密王朝」時期（西元前305年至西元前30年）。而呢兩間工作坊亦都有所不同，一間就係專門用於製作人類木乃伊，而另一間就係專門處理動物。連同工作坊出土嘅仲有古代製作木乃伊所使用嘅所有工具，包括石床、陶罐、各式禮器、「泡鹼鹽」以及亞麻布。
有咗呢次咁重要嘅考古發現，考古團隊都相信能夠進一步了解到古代製作木乃伊所需要嘅工具以及流程，甚至有助對目前所發現嘅木乃伊展開深入嘅研究。
原圖嚟自網絡