為咗防止我國嘅重要文物流行,國家文物局歷年嚟都作出過唔少努力,而近日國家文物局就公布咗一項《關於頒布1911年後已故書畫等8類作品限制出境名家名單的通知》,當中就指出咗研究修訂1911年後已故書畫類作品限制出境名家名單,阿史今次就同大家講一講啦!
今次相關嘅規定係根據《中華人民共和國文物保護法》而頒發,當中名單就由《1949年後已故著名書畫家作品限制出境鑑定標準頒布》當中11名書畫家作品不准出境(王式廓、何香凝、李可染、林風眠、徐悲鴻、高劍父、黃賓虹、 董希文、傅抱石、潘天壽、吳冠中),大幅增加30人至41名近現代書畫大師,當中包括于右任、張大千、豐子愷、劉海粟、郭沫若、趙樸初等名家。除此之外,唔單止係書畫,就連1911年後已故陶瓷、雕塑、扇子、織繡、璽印、煙壺、漆器等7類名家作品都係規定之內,都真係一個幾大嘅調整。
對於呢個新規定嘅頒發,其實唔少專家都表示讚好,事關一旦呢啲作品流出海外,喺收藏家手中自然就無法公開展示,而假如百年之後再想回購呢啲作品填補我國藝術史,亦都係難上加難。所以,呢次規定可以話係對我國藝術家嘅一次歷史定位。
原圖嚟自網絡