用10年時間去將一件歷史文物修復到可以重新使用，到底呢個過程當中會有咩感受？近日一艘喺加拿大卑詩省建造、並擁有126年歷史嘅帆船就重新喺萊迪史密斯港揚帆出海。
據了解呢艘長達7.41米、名為「多蘿西」嘅船隻來頭一啲都唔細，佢係由魯賓遜（John J. Robinson）於1896年至1897年間喺卑詩省溫哥華島造船廠建造，目前就被認為係太平洋西北部最古老嘅帆船。喺以往，呢艘帆船就曾經多次參加過比賽，亦都喺上世紀贏得多個獎盃。亦都因為呢段經歷，令到帆船多次易手，最終喺1995年被捐贈到位於卑詩省維多利亞市嘅博物館。
然而，博物館並唔係帆船最終嘅歸屬，通過卑詩省海事博物館以及萊迪史密斯海事協會聯合項目，帆船由義務船匠勞森（Robert Lawson）依照早期照片修復到原始嘅設計，就連接縫、船體外部都得到相應嘅修補，真係相當犀利！
原圖嚟自網絡