喺唔少同明清相關嘅影視作品中,每逢民間有咩冤情又或者衙門上嘅案件爭持不斷,只要兩廣總督一到場局面就會扭轉,咁到底喺歷史上兩廣總督官職又係咪真係咁大呢?
所謂「兩廣總督」最早就喺明朝明英宗朱祁鎮時代設立。當時朱祁鎮親自帶兵親征蒙古瓦剌部,但結果就遇上土木堡之變慘敗,朱祁鎮本人被瓦剌部活捉。為咗可以抵擋瓦剌大軍進攻京城,孫太后聽從兵部尚書于謙建議冊立朱祁鈺繼位,並且任命于謙為京畿總督,全面負責京城軍事防務工作,呢個就係最早嘅「總督」之位。而當于謙擊退瓦剌大軍後,總督之職亦都事後即撤,而後來明朝嘅總督多數都係因為戰事先至會被任命。
而呢個明朝嘅官職去到清朝亦都繼續沿用,但呢個時期總督就唔再係臨時嘅官職,而係正式正名為總督兩廣等處地方提督軍務、糧饟兼巡撫事。至於「兩廣」就係指係總管兩廣嘅職業,即係後世廣東、廣西兩個省份,而海南省亦都係喺呢個範圍當中。
清朝兩廣總督連同直隸總督、閩浙總督、兩江總督、兩廣總督、湖廣總督、陝甘總督、雲貴總督、四川總督等,係九位最高級封疆大臣之一,佢哋都係直接對皇帝負責,就咁聽都知道呢個官職地位好高。
原圖嚟自網絡