繼續同史友們介紹我國嘅一啲新奇文物大發現，近日據河北省雞澤縣文保部門表示，當地嘅文保工作人員喺雞澤縣雙塔鎮東雙塔村發現一本有584頁嘅《賈氏族譜》，最早編寫于明朝天啟三年，距今已有400年歷史，阿史今次就同大家講一講啦！
據了解今次發現嘅《賈氏族譜》係一本線裝本，整體採用宣紙寫成，即使至今已經有四百年歷史，但表面仍然係字跡清晰工整，保存基本完好。既然係叫做《賈氏族譜》，內容自然就係詳細介紹咗賈氏宗族自明朝永樂二年以來家族譜係及著名人物等，整體內容寫得脈絡清晰，敘寫規范。
雖然對比其他古籍類嘅文物而言，族譜未必算得上係咩大發現，但一本完整且保存良好嘅族譜喺歷史上為數唔多，而且呢次發現亦都為冀南地區社會變遷以及家族傳承演變提供較為重要實物參考，絕對係有重要嘅歷史價值。
原圖嚟自網絡