侵華日軍嘅罪證真係數唔清！近日又再次有侵華日軍731部隊嘅資料被披露，結合所有文物更加成功構成一條證明731部隊從無到有、從小到大、從膨脹到滅亡嘅完整證據鏈。
據瞭解，今次發現嘅罪證就係嚟自一份關東軍司令部於1940年製作嘅檔案資料《編制詳報》，現存於日本國立公文書館。近日就有一位嚟自日本明治學院大學國際和平研究所研究員松野誠發現到呢份資料，並且將呢份重要罪證列印出來帶到中國。
咁到底點解話呢份資料係一份罪證呢？原來呢份罪證係包括《關東軍防疫給水部軍官高級文官職員表》、《關東軍防疫給水部判任文官同待遇者職員表》等資料，喺當中最重要就係有關東軍防疫給水部即731部隊職員表，731部隊內部各部門名稱以及職員姓名亦都全部曝光。
而且，呢份編制修改亦都係731部隊發展歷史上嘅重要節點，記錄咗731部隊規模體量從此開始逐步變大，真正變成一支進行細菌武器研製、生產以及實施細菌戰戰略特種部隊，真係一份相當重要嘅罪證。
原圖嚟自網絡