喺唔少古裝影視作品當中，古人都會將男歡女愛之事以比較含蓄嘅方式表達出嚟，其中洞房就會以「周公之禮」一詞嚟形容。咁到底點解「洞房」又會同周公有關呢？阿史今次就同大家講一講啦！
「周公之禮」當中所指嘅「周公」喺歷史上就真有其人，佢就係周武王嘅細佬叔旦喇！作為周朝開國功勳，歷史上傑出政治家、軍事家、思想家，佢同時亦都係周文王姬昌第四子。喺周朝建立冇耐，周武王就離世，雖然有周成王繼位，但周公仍然係需要主持國家大權。喺《尚書大傳》當中，就係咁樣形容周公「一年救亂，二年克殷，三年踐奄，四年建侯衛，五年營成周，六年制禮樂，七年致政成王。」
咁問題嚟喇，到底呢位歷史人物同「洞房」有咩關係呢？原來喺周朝剛剛建立之時，男女之間嘅關係仍然係好混亂，好多男女未成婚就已經行房事，為咗改變呢種風氣，周公就規定男女之有成婚之後先可以行房事，所以後人就將呢種規定命名為「周公之禮」喇！
原圖嚟自網絡