廣州聖心大教堂同香港大有關係？

如果史友去廣州參觀當地歷史景點，可能會去石室聖心大教堂行下。呢座位於廣州市越秀區嘅大教堂，除咗馳名中外之外，原來同香港都好有關係。

石室聖心大教堂係現時天主教廣州教區最大教堂，始建於1863年，法國方面專門請咗兩位建築師Vonutrin同Hnmbert主持，仿巴黎嘅聖克洛蒂爾德設計。教堂於1888年竣工，耗時25年興建。呢座教堂唔單止係內地現存最宏偉嘅雙尖塔哥特式建築之一，更係全球四座全石結構哥特式教堂建築之一，另外三座就係巴黎聖母院巴黎聖母院、威斯敏斯特教堂同科隆大教堂。

好喇！咁位於廣州嘅石室聖心大教堂，同香港又有乜嘢關係呢？原來興建教堂所需要嘅材料花崗岩，响廣州係無出產。結果就要响香港引進，而所用嘅花崗岩係採自牛頭角同茶果嶺石礦場，再以船運到去廣州加工起教堂。所以話，以前香港嘅採礦業，都真係幾巴閉。