上次提及過廣州聖心大教堂興建時係用上來自香港嘅花崗石，我哋一直都話香港缺乏天然資源，但其實呢句話就唔係絕對正確，因為香港礦石資源其實係幾豐富，响以往仲係好出名。
其實早响十九世紀以前，香港就係好多小型礦場，後嚟仲發展到出現大型礦場，大大小小礦場曾經有成過百個。而香港出現嘅礦石就無貴金屬，而係花崗岩。好似安達臣礦場、馬鞍山礦場都係出產花崗岩，一度成為香港能夠自給自足嘅建築材料。昔日中環西式建築群，就係用上本地出產嘅礦石。而香港昔日嘅礦石唔單止本土使用，仲有出口到外國。有研究團隊發現原來昔日三藩市金融區一幢叫Parrott Building嘅建築物，就係引進咗香港出產嘅花崗岩，當年仲有二十個工人同兩個專家從香港去到美國協助興建。除咗美國三藩市，澳門新南威爾斯、泰國清邁都有引入香港礦石作為建築材料記錄。都係個句，以前香港嘅採礦業，都真係幾巴閉。
評論：
共0 條評論