近年嚟國產葡萄酒業接連喺國際比賽當中取得大獎,而數國產嘅葡萄酒就以寧夏賀蘭山最為突出。雖然葡萄酒係近年嚟我國嘅新興產業,但中國釀造葡萄酒嘅歷史絕對唔短,早喺漢武帝時期就已經開始!
釀造葡萄酒最主要就係要有葡萄,而我國嘅歐亞種葡萄就係喺漢武帝建元年間,由張騫出使西域時(西元前138-前119 年)從大宛(中亞塔什干地區)帶返嚟。喺《史記•大宛列傳》當中就有記載,「宛左右以蒲桃為酒,富人藏酒至萬餘石、久者數十年不敗」,可見呢個地方當時就以葡萄酒聞名,而呢個地區嘅葡萄品種亦都係優良。
之但係,昔日中國出產嘅葡萄酒同今日大家飲到嘅係唔多一樣,亦都唔係平民百姓飲得起,下回再同大家分解。
原圖嚟自網絡
評論:
共0 條評論