唔知史友們有冇發現到一個有趣嘅景象，就係我國嘅南方無論係大小氏族，喺佢哋嘅聚居地都會有宗族祠堂，但呢個現象喺北方就反而好少見到，到底當中有咩原因？阿史今次就同大家講一講啦！
祠堂，又被稱為宗廟，喺古代就只有位高權重嘅人先至有資格建設，相關嘅規定亦都係好嚴格，即使係大家族都唔一定可以建立祠堂，要等到宋朝時期祠堂先至真正走向民間。祠堂唔單止係祭祀祖先之地，仲係宣講禮法之地，每逢過時過節、春秋二祭就係所有族人聚集嘅時期，所以祠堂亦可以被視為聯繫親情嘅地方。咁到底點解一座咁重要嘅建築，喺北方會咁少見？
其實呢個現象就係同歷史以及文化有關。曾經北方都有唔少名門望族就好似山東臨汐琅琊王氏、河北崔氏一族，但就因為古代嘅北方有過唔少戰亂，首當其衝就會令到豪門建築被毀，所以好多重要嘅祠堂都被受到破壞。再加上呢啲北方氏族本來就有遊牧民族嘅特色，好多都會向南方遷移，於是就令到甚少受到戰亂影響嘅南方既有舊嘅祠堂保留，又有北方新建嘅祠堂喇！
原圖嚟自網絡