最近山東淄博市嘅燒烤響內地好火熱，唔少人都走到呢個地方飲飲食食。講到食烤肉串，可能唔少人都會諗起中國西北地區嘅烤羊肉串，其實響中國古代中原地區，早就有食烤肉串嘅習慣。
從考古資料看，早在1800年前，中國內地就已有了烤羊肉串。响1967年春山東諸城涼台發現東漢孫琮墓漢畫像石庖廚圖當中，就出現咗古人烤肉嘅情況。而响七十年徐州市銅山漢王墓出土嘅畫像石《庖廚圖》，就好清楚見到一個人一手拎住大肉串，一手拎著扇，十足依家燒肉串之人咁。到咗八十年代，考古專家响山東臨沂市內五里堡村出土嘅東漢晚期畫像石殘墓中，發現刻有烤肉串嘅畫像石。
而響湖南長沙馬王堆一號漢墓中，響出土嘅飲食典籍裏面寫上燒烤方面嘅術語，好似 「牛炙」、「犬肋炙」、「鹿炙」、「雞炙」等，响墓中仲出土過烤肉用嘅扇。咁睇嚟從呢啲考古發現就可以知道，早於漢代時甚至更早時間，古人食烤肉串同烤肉已相當普通。
原圖嚟自網絡