以往阿史就同大家介紹國，秦國之所以可以稱霸六國，除咗因為國家體制嘅改變以及出色嘅軍事能力外，其中一樣最重要嘅因素就係因為有秦弩嘅出現。之不過，我國古代聞名嘅弩唔係淨係得秦弩，漢代嘅大黃弩威力都相當驚人，阿史今次就同大家講一講啦！
要判斷弓弩武器嘅威力，最直接嘅方式就係計算每樣武器嘅拉力。喺現代角度而言，古代嘅弩兵實戰用嘅弓弩一般都唔會超過二百磅拉力，能夠拉弓拉到二百磅嘅就已經係豪傑，但神奇嘅地方係漢軍嘅實戰武器當中，屯戍吏卒兵器多數以三至六石嘅弩為主（一石就等同現代嘅六十磅），而著名嘅漢代大黃弩拉力就係足足嘅十石，即係六百磅拉力，威力之大都係大家難以想像。
咁問題嚟喇！如果二百磅拉力嘅弩已經唔係尋常人可以拉到，咁六百磅拉力嘅弩又可以點樣拉到呢？如果單純係三百磅左右嘅弩，士兵就可以借助腰引、蹶張等方式開弩，亦都可以配合上弦器，又稱䋢嘅工具實行；但如果係達到八石（接近五百磅）以上，甚至更高嘅拉力，可能就需要用到《論衡》中提到嘅「車張十石之弩」以及《六韜》「絞車連弩」 等相應嘅機械張弦方法，但以上方法嘅形制就仍未有具體嘅發現。
原圖嚟自網絡