喺唔少影視作品當中，常見自盡嘅方式除咗有飲毒酒、上吊之外，仲有一樣經常都聽見但又唔知係咪真係可行嘅方法，呢樣就係「吞金自殺」喇！阿史今次就同大家講一講啦！
「吞金自殺」顧名思義就係吞食黃金自盡，但問題就係黃金一般都係無毒性而且性質穩定，唔容易產生化學作用，咁古人又係咪真係會被黃金毒食呢？先喺原理上進行分析，假設古人真係可以吞得落一定大細嘅黃金，當呢啲黃金進入到消化道之後，基本上就好難被排出並且會喺消化道當中「運動」。呢啲有返咁上下重量嘅「黃金」就會令到消化道受損，腸胃都會因此而內出血，最終就會令人深受痛苦之後而死，可見「吞金自殺」嘅原因係可行。
之不過，以古代嘅工藝而言，黃金要完全提純係有一定難度，所以「吞金」當中嘅「金」亦都有可能係指「金閃閃」嘅物品，例如帶有大量汞嘅「銅」，一旦吞入呢種物質，就會好快引發急性腎衰竭，所以「吞銅自殺」都係可行。生命誠可貴，呢啲歷史謎題就真係睇下算喇！
原圖嚟自網絡