繼續同史友們介紹世界各地最新嘅考古發現，要知道木材係天然有機物質，如果作為陪葬品又或者文物傳世，往往都難以保存，但近日英國就有一件歷史相當悠久嘅木雕出土，佢嘅年份係距今6600年歷史，阿史今次就同大家介紹下啦！
呢件木雕就係喺英國伯克郡出土，之所以會有6600年歷史全因為發現呢塊木雕嘅地點正係一個泥炭沼當中。據了解，呢塊浸過水嘅橡木長約一米、寬約0.42米，厚約0.2米，表面漆黑但仍可以睇得出有啲標記。而之所以呢塊木雕可以長年不腐，正正就係歸功於泥炭沼隔絕咗氧氣，先至令到腐蝕過程較慢。
原圖嚟自網絡
評論：
共0 條評論