現代科技愈來愈發達,以往需要通過人力親身到訪嘅一啲險峻考古遺址,日後好大機會都可以通過科技協助解決地形嘅限制。
近日,西班牙就有一個考古團隊通過無人機技術,專門去到一啲人類難以抵達嘅洞穴進行探索,結果喺過程中就意外發現到史前嘅壁畫。呢支嚟自西班牙阿利坎提大學嘅考古團隊就喺科學雜誌《Lucentum》上發表文章,表示佢哋喺無人機喺協助之下,輕鬆睇到「需要攀爬才能抵達的複雜道路」上嘅遺址,而且仲發現到一處距今5000至7500年前嘅洞穴壁畫。
研究團隊呢次嘅發現喺經過幾日嘅飛行,最終喺一個以眾多史前藝術群聞名嘅區域發現到第一座壁畫,繼而考古學家先至抵達呢個地點,對呢幅充斥住唔同風格嘅人、山羊、鹿等圖案嘅壁畫進行考察。而亦都係因為呢個位置咁崎嶇,更加令到考古團隊確信史前人類當時已經發展出複雜嘅攀爬技術並且懂得利用繩索或簡易嘅木製梯子,真係一次有趣嘅發現。
原圖嚟自網絡