香港喺1949年先至有第一名女警，咁喺之前，警察係點樣對女性執法嘅呢？話說最初喺1900年代初，來往香港同廣州嘅粵港渡輪發生多宗海盜持械劫船案件，於是警察就開始對乘客搜身，防止有人帶槍械上船。但當時都唔會搜女乘客身，結果有海盜就利用女同黨扮乘客帶槍上船，於是响1908年，警隊請咗三名女搜查員，主要負責駐守喺港粵碼頭，同女乘客搜身，成為第一批女性嘅執法人員。後來警隊喺1923年，參考呢個經驗，請一批女搜查員派駐各碼頭同警署，負責為女疑犯搜身。

但當時都唔喺每個警署都有女搜查員去搜身，當時班外國警官會搵警署內負責洗燙制服或者清潔阿嬸嚟幫手搜身。去到1938年，通過咗《保護婦孺條例》，當時因應社會訴求，就決定招募女警。但礎於學堂資源問題，去到1949年先至實施計劃，而第一位女警就係高健美。