「年月把擁有變做失去,疲倦的雙眼帶著期望。今天只有殘留的軀殼,迎接光輝歲月,風雨中抱緊自由。」Beyond的名曲《光輝歲月》,好多香港人識唱。當初黃家駒創作首歌,係因為南非嘅曼德拉1990年出獄,家駒深受感動,為曼德拉寫了一首詞,最後譜成經典名曲《光輝歲月》,以歌祝福。

曼德拉係世上其中一位最受尊重嘅政治家,佢曾經被南非當局囚禁27年,1990年代初帶領南非結束種族隔離、走向多種族民主制度,佢喺1993年獲頒諾貝爾和平獎,其後更喺1994年嘅5月9號當選南非總統,成為第一位南非黑人總統。根據報道,有人曾經將《光輝歲月》嘅歌詞念比曼德拉聽,曼德拉聽完之後,感動落淚。為理想奉獻一生,自信可改變未來,感動曼德拉嘅,可能係筆下嘅那份身同感受。

曼德拉喺2013年逝世,終年95歲,佢嘅首任太太,有南非國母之稱嘅雲妮,亦於上月初離世。