港珠澳大橋今日於珠海舉行開通儀式，聽日正式通車。之前都講過，其實早於八十年代，已經有人提出興建連接香港及珠三角西部嘅跨海大橋，佢就係合和實業創辦人胡應湘。而大橋嘅選點一開始並非依家嘅大嶼山，而係屯門爛角咀。

講開胡應湘，佢對交通範疇嘅貢獻並不止於此。胡應湘認為「無高速公路就無經濟發展」，七十年代尾，佢覺得內地缺乏完善交通網絡，於是提出興建連接廣州、深圳和珠海嘅高速公路，期間絕大部份人都質疑依個嘅決定，不過佢得到時任國務院副總理谷牧同埋總理趙紫陽嘅支持，最終排除萬難，响八十年代中興建廣深珠高速公路，並於1994年完工。

而1997年開通嘅虎門大橋亦都是合和實業旗下合和公路基建早年响內地嘅公路投資目。時至今日，虎門大橋已經飽和，虎門二橋會於明年上半年通車，即將與港珠澳大橋一樣投入服務。

圖為廣深高速。網絡圖片