除咗埃及之外，亞洲都有「金字塔」？講緊嘅係有「東方金字塔」之稱嘅西夏王陵。王陵位於銀川，背靠賀蘭山，整片平原及山上有一座座外形似小山丘嘅陵墓，係中國規模最大、地面一直最完整嘅帝王陵園之一。

講起西夏，點都要提一提個開國君主。公元1038年，李元昊建立西夏王朝，其後將祖父李繼遷、父親李德明遷葬於賀蘭山東麓。西夏在三次戰役中大敗北宋，又於第一次賀蘭山之戰打贏遼國，奠定西夏與遼宋並列的地位，後來因宋軍頑抗，响慶曆和議中向宋朝稱臣。

李元昊最後因為搶咗太子個未婚妻，即係未來新抱做自己嘅皇后，畀個仔割咗個鼻而死。雖然係佢自作孽，不過真係諗起都痛。