除咗北京，珠海都有個圓明園？珠海嘅圓明新園其實係主題公園，以北京圓明園被焚燒前嘅建築為藍本，按照1:1比例，複製圓明園內的部分景物。

圓明新園位於珠海市石林山下，响1997年2月揭幕，係珠海十景之一。除咗大水法、蓬島瑤台等翻版特色建築，據講仲有唔少視覺上嘅享受，園內會舉行皇帝登基、清宮慶典、香妃軼事等表演項目，最啱中意歷史嘅朋友仔。

行歷史場景未必適合一家大細，所以順便介紹埋圓明新園旁邊嘅夢幻水城，佢係內地唯一一個古埃及主題水上樂園，裡面嘅設施包括國內首條眼鏡蛇滑道、埃及大水寨、尼羅河大迴旋滑道、漂流河等，玩法多多。

講講吓，等阿史過兩個月約返幾位女性朋友去珠海游個水先。