五十年前，參加越戰嘅美軍於越南中部嘅美萊村屠殺超過五百名村民，係美軍犯下嘅最嚴重的戰爭罪行之一。而依次屠殺被美軍掩蓋將近一年，最後先被媒體揭發，惹嚟大眾嘩然。

話說於大屠殺前兩日，有幾個美軍响美萊村附近踩中地雷被炸死。當年3月16號，美軍以調查為由去到美萊村，並將村民集合起嚟，展開屠殺暴行。美軍用刺刀捅殺村民、掟人落井後再拋手榴彈等，手段血腥兇殘。士兵另外命令大約20個女村民同小朋友跪响寺廟，用槍對準佢哋嘅頭部，全數射殺；有幾十個村民則被推入戰壕槍殺，部份媽媽為咗保護自己嘅骨肉，以身軀抵擋子彈身亡。有小朋友嘗試逃生，但依然被士兵射殺。在場美軍唔單止無放過啲小朋友，仲強姦咗無數婦女。

三個美國軍人湯普森、安卓塔同柯本當時正喺直升飛機上面偵察，見到地面發生慘劇，即刻將直升機降落喺美軍同村民中間，以機身保衛手無寸鐵嘅村民，仲將倖存者送至安全區域。後嚟美國試圖隱瞞大屠殺暴行，仲將湯普森、安卓塔、柯本視為叛徒。雖然後嚟屠殺嘅慘劇被揭發，24個參與屠殺嘅劊子手被起訴，但當中只有一人被判處無期徒刑，其他人全部無罪釋放。

圖為當時關於屠殺嘅報道同埋驚恐咁匿埋喺田裡面嘅村民。網絡圖片

#講開有段故