唔少香港人都中意食香口膠，得閒?兩?，希望口氣清新啲。不過如果身在新加坡就要小心喇，因為當地有香口膠禁令，究竟當時點解要推行依項特別嘅法例？件事，其實是咁的。

話說八十年代嗰時，新加坡唔少人食完香口膠之後亂咁丟棄，將嚿香口膠黐响枱枱櫈櫈、信箱、鎖眼甚至電梯掣上面，唔單止無公德心，清潔時仲增加咗唔少人力成本。而新加坡國父李光耀當年擔任總理期間，都收過推行香口膠禁令嘅建議。

1987年新加坡地鐵開通，有人居然將香口膠黐落地鐵門嘅感應器，阻礙列車運作，種種事件令新加坡政府不得不出招應對。1992年1月3日，時任總理吳作棟頒布法令，禁止製作、進口同售賣香口膠。香口膠禁令後嚟惹起國際關注，2000年李光耀接受BBC訪問時提到條禁令，就話「如果唔?嘢就無法思考，可以試試食香蕉。」

禁令生效之後，如果亂咁遺棄食過嘅香口膠，會被罰款或判勞動服務。去到2004年新加坡修改禁令，大家如果有醫生處方，就可以去藥店或牙醫買藥用香口膠，不過食完藥用香口膠周圍丟棄同樣係犯法，千祈咪亂嚟。

圖為李光耀。網絡圖片