五十年代嘅香港，工人生活艱苦，囝囡無書讀係平常事。為咗令小朋友有新校舍，1950年5月工聯會舉行賣花籌款，向市民募捐，當時籌到超過28萬，賣出超過100萬朵花，創下香港賣花籌款嘅紀錄。根據資料，按當時香港人口計算，大概每兩個市民中，就有一個買花支持。之後筆善款用嚟興建旺角勞工子弟學校舍，等小朋友有機會讀書識字。順帶一提，現今星期三同星期六朝早嘅賣旗籌款，前身就係賣花籌款。
圖片來源：工聯會