唔知大家有無問過爸爸媽媽，到底自己响咩地方出世？話說早幾日講到依嗰問題，90後同事們拋咗n間醫院名出嚟，雲集港九新界，有兩個仲係同一間添，最後有位資深同事霸氣咁答咗：留產所。

曾幾何時，香港一家八、九口係等閒事。响四五十年代，醫院唔多，公立醫院服務唔足夠，加上當時嘅婦女比較傳統，唔多接受由醫院嘅男醫生協助分娩，而嗰時又無乜女醫生，所以唔少大肚婆都係去留產所生仔，由「執媽」，亦即係助產士接生，造就留產所嘅盛行。據講於五六十年代嘅香港，差唔多由一半bb响留產所出世。不過後嚟香港嘅出生率日益下降，留產所於八十年代逐漸成為歷史。

圖片來源：工聯會