阿史記得以前讀書嘅時候，學校附近都會好多街邊小販檔，放咗學就會去買嘢食，有時屋企唔夠餸仲會買啲嘢食返去加餸添！

話說呢啲街邊檔其實早喺1880年代已經喺香港出現，以前啲小販通常都係集中擺賣，慢慢就會成條街都係，成為「為食街」。最早期嘅「為食街」應該係中環士丹利街同嘉咸街交界一帶，當時條街啲小販賣嘅食物種類多多，生意由朝做到晚。五六十年代可以話係街邊小販最蓬勃嘅時期，直至七十年代開始政府就因為路邊市容、阻街、衛生等等問題，開始打擊呢啲無牌小販，有部份小販就搬咗入鋪，成為而家嘅小食店。

圖片係50年代賣燒味嘅街邊小販。

註：相片由香港政府檔案處提供，如需使用是項相片，須以書面向香港政府檔案處提出申請