讀過世史嘅史友，應該都會對末代沙皇尼古拉二世有印象。呢位沙皇傳奇一生係响葉卡捷琳堡落幕。葉卡捷琳堡位於亞洲同歐洲嘅交界，從沙俄時代至今一直都係交通要點。如果去葉卡捷琳堡旅遊嘅人，滴血教堂相信會係一個必去嘅地方。尼古拉二世一家响1918年7月17日晚被殺，而响2000年，尼古拉二世一家被東正教會以受難者為由封為殉教聖徒，被處決嘅遺址就起咗間紀念教堂，葉卡捷琳堡嘅滴血教堂就係咁樣嚟。