車公廟大家年初三就去得多，咁大家又知唔知車公係邊個？據講車公係宋端宗國舅楊亮節旗下猛將，唔單止有份平定叛亂，仲護送宋帝昺逃難到香港。後嚟佢病逝，老百姓於是建廟紀念。至於沙田車公廟嘅出現，據講係同後嚟發生嘅一場瘟疫有關。

唔講唔知，原來沙田嘅車公廟並非香港「第一代」拜祭車公嘅廟宇。當時沙田發生瘟疫，鄉親父老研究完古書同典籍之後，發現車大元帥途經嘅地方，瘟疫都會消失得無影無蹤。於是啲沙田村民就去咗蠔涌，諗住借用嗰度車公古廟嘅車公神像到沙田壓一壓場，不過蠔涌嘅朋友認為車公「唔走得」，所以沙田村民唯有抬走車公粒孫嘅神牌，頂住檔先。

後嚟瘟疫消失，村民為答謝神恩，先至响沙田興建車公廟，保佑大家平平安安，無病無痛。講時講，大家今日有無去車公廟行返個大運先？

原圖嚟自網絡。