米高積遜(Michael Jackson)喺十年前離世,係全球樂迷嘅一大損失。唔講唔知,原來呢位國際巨星早喺1987年已經高調嚟過香港,喺唔少地方留下足跡,呢啲相片亦成為經典!

米高積遜1987年嚟香港度假,到過唔少地方,包括邵氏影城、太空館、海洋公園等等,佢仲去過尖沙咀警署,同一大班警員一齊跑步。原本佢諗住遊覽兩日,但最後留咗成三個禮拜先離開,佢仲大讚香港熱鬧繁榮,香港人有衝勁有朝氣。據講米高積遜諗住九十年代喺沙田馬場舉行兩場演唱會,但可惜因為美國嘅工作未完成,馬季又就嚟開鑼,最後取消咗呢個計劃。

圖片為米高積遜喺尖沙咀警署同警員跑步,取自網絡。