聽到「科學補習所」，正常人都會認為間補習所係同科學有關，又有邊個估到，佢其實係假借科學之名嘅革命組織？

科學補習所1904年7月於湖北武昌嘅多寶寺街成立，主要係一班有志之士曹亞伯、胡瑛、張難先等眼見中國經歷甲午戰爭同義和團嘅庚子之變，不滿清廷面對列強無所所為，唯有寄望革命救國。補習所所長名為呂大森，而文書係宋教仁。佢哋當時對外聲稱成立嘅係一間文化補習學校，招收學生响課餘時間補習，實質係為咗避開朝廷嘅耳目，展開「革命排滿」嘅活動。

科學補習所當時一邊宣傳革命，一邊鼓勵青年加入新軍。後嚟佢哋想趁慈禧七十大壽，預定响11月起義，仲同埋其他同道中人籌得革命經費同武器，補習所仲印咗三十萬張軍用票，以備起義時用。點知件事洩漏咗出去，清廷派人圍捕，班成員事先收到風，各自四散。科學補習所雖然只係「生存」咗唔係好耐，不過已經為後嚟建立革命組織打下基礎。

原圖嚟自網絡。